Me dy golat e shkëlqyera, sulmuesi Krzysztof Piatek e ka dërguar në gjysmëfinale skuadrën e tij të re.

AC Milani është kualifikuar në gjysmëfinale të Kupës së Italisë me fitoren mbrëmjen e sotme (e martë) me rezultat 2 me 0 kundër Napolit të Elsied Hysajt, i cili nuk ishte ftuar fare për këtë takim nga trajneri Carlo Ancelotti, shkruan portali arbresh.info.

Sulmuesi i ri polak i kuqezinjve, Kryzsztof Piatek, i cili finalizoi transferimin e tij në San Siro këtë janar për 35 milionë euro, e ka nisur në formë perfekte karrierën e tij te skuadra nën udhëheqjen e Gennaro Gattusos duke shënuar dy gola dhe duke ia siguruar një fitore mjaftë të rëndësishme “Rossonerëve”.

Reprezentuesi polak hapi llogarinë e tij në minutën e 11′ pas një super asistimi nga Diego Laxalt ndërkohë që shënoi supergol derisa po zhvillohej minuta e 27′.

Rivali i ardhshëm i AC Milanit në kuadër të Kupës së Italisë do të jetë fituesi i ndeshjes Lazio – Inter që zhvillohet mbrëmjen e së enjtes./arbresh.info/